Baina zergatik eta zertarako, Urola Erdiko Energia eta Klima Mahaia?
Klima-aldaketa gure garaiko erronka nagusia da, eta Urola Erdian aspaldi erabaki genuen erronka horri erantzun bateratu eta ausart bat ematea. Gure konpromisoa ez da berria; 2015ean abiatu genuen bidea, eskualdeko I. Energia Plana onartu genuenean. Geroztik, Energia Mahaiaren bidez, urrats garrantzitsuak eman ditugu energiaren kudeaketan, eta etengabe ebaluatu dugu egindako lana.
Orain, mundua aldatu den bezala, gure anbizioa ere handitu da. Horregatik, gure Mahaia berritu eta indartu dugu, Urola Erdiko Energia eta Klima Mahaia bihurtuz. Jada ez da soilik energia; klima-aldaketaren ikuspegi integrala da gure iparra: berotegi-efektuko gasen isuriak aztertu, eta klima-aldaketara egokitzeko dugun gaitasuna indartu nahi dugu.
Baina proiektu hau ez litzateke ezer zu gabe. Webgune hau gardentasunerako eta parte-hartzerako gure leihoa da. Ezagutu gure lana, sakondu proiektuetan eta, garrantzitsuena, izan zaitez aldaketaren parte aktibo.
Mahaia
Nortzuk osatzen dugu?
Elkarlana da gure indarra
Mahaia sare zabal eta anitz batek osatzen du. Proiektuaren oinarrian eskualdeko sei udalen konpromiso irmoa dago:
- Azpeitiko Udala
- Azkoitiko Udala
- Zestoako Udala
- Aizarnazabalgo Udala
- Beizamako Udala
- Errezilgo Udala
Horiekin batera, Iraurgi Berritzen garapen eta berrikuntza agentziak koordinazioaren ardura du. Eta, nola ez, proiektuaren arima diren eskualdeko enpresak, hezkuntza-zentroak eta elkarteak trantsizioarekin bat egin duten herritarrak.
Ekintzak
Proiektu estrategikoak
Hitzetatik ekintzetara: gure proiektu nagusiak.
Energia aurrezpen eta efizientziaren, eta energia berriztagarrien dinamizazioa sektore desberdinetan
- Zer da? Ekimen estrategiko hau eskualdeko sektore ekonomikoetan -industria, lehen sektorea, merkataritza, ostalaritza eta sektore publikoa, besteak beste- energia aurrezpena, efizientzia energetikoa eta energia berriztagarrien erabilera sustatzeko sortu da. Helburua da trantsizio energetiko jasangarria eta lehiakorra bultzatzea, sektore bakoitzaren behar eta ezaugarrietara egokitutako neurriak eta tresnak eskainiz. Horretarako, aholkularitza teknikoa, sentsibilizazio eta prestakuntza ekintzak, eta lankidetza publiko-pribatua sustatzen dira, energia-kudeaketa hobetzeko eta emisioak murrizteko.
- Abantailak: energia-kontsumoaren murrizketa, kostuen aurrezpena, ingurumenaren babesa eta tokiko burujabetza energetikoaren sendotzea ahalbidetzen ditu, eskualdearen garapen jasangarria eta lehiakortasuna sustatuz.
Mugikortasun jasangarria: herri biziagoak, jende osasuntsuagoa
- Zer da? Oinezkoen eta txirrindularien joan-etorriak errazteko, garraio publikoa indartzeko eta ibilgailu elektrikoentzako karga-gune sarea zabaltzeko plana.
- Helburua: airearen kalitatea hobetzea, zarata murriztea eta gure kaleak pertsonentzat atseginagoak bihurtzea.
Eraikinen efizientzia
- Zer da? Etxebizitza eta eraikin publikoetan energia-kontsumoa murrizteko programa; energia-auditoriak, aholkularitza teknikoa.
- Abantailak: neguan eta udan erosotasun termikoa irabazi, energia-faktura nabarmen murriztu eta zure jabetzaren balioa handitu.
Baliabideak
Urola Erdian etorkizuneko estrategiak diseinatu aurretik, gure abiapuntua ondo ezagutzea ezinbestekoa zaigu.
Atal honetan, gardentasun osoz, gure ibilbidea markatzen duten diagnostiko, azterketa eta plan nagusiak kontsultagai dituzu. Dokumentu hauek dira gure ekintzen oinarri sendoa.
Dokumentuen zerrenda:
- Energia eta klima diagnostikoa (2024)
- Urola Erdiko mugikortasun jasangarriko plana: Diagnostikoa (2023)
- Urola Erdiko I. Energia planaren berrikuspena (2022)
Bestelako ikus-entzun baliabideak:
- Infografiak
- Bideoak
Dokumentuak
Urola Erdiko Mugikortasun Jasangarriaren Diagnostikoa
Gure eskualdeko mugikortasun-ohiturak, garraio publikoaren egoera eta joan-etorri ohikoenak aztertzen ditu. Azterketa hau etorkizuneko bidegorri sarea, garraio publikoaren hobekuntzak eta ibilgailu elektrikoentzako azpiegiturak planifikatzeko oinarria da.
Argitaratze data: 2024
Urola Erdiko Energia eta Klima Diagnostikoa
Dokumentu honek Urola Erdiaren argazki energetiko eta klimatiko sakona egiten du. Eskualdeko kontsumoak, berotegi-efektuko gasen isuriak eta energia berriztagarriak sortzeko potentziala aztertzen dira bertan. Plan berria diseinatzeko abiapuntu teknikoa da.
Argitaratze data: 2023
Urola Erdiko Energia eta Klima Ekintza Plana
2015ean onartutako lehen energia-planaren ezarpen-maila eta lortutako emaitzak ebaluatzen ditu txosten honek. Bertatik ateratako ondorioak eta identifikatutako hobekuntza-arloak funtsezkoak izan dira egungo Energia eta Klima estrategia berria abiatzeko.
Argitaratze data: 2023
Infografiak
1. Infografia Energia eta klima aldaketa Urola Erdian
Hurrengo diagnostikoak hainbat arlo hartzen ditu barne, hala nola energia-kontsumoa, berotegi-efektuko gasen (BEG) isurketak, eta espero diren klima inpaktuak.
2. Infografia Urola Erdiko energiaren eta klima-aldaketaren ekintza plana
Hurrengo infografian Urola Erdiko energiaren eta klima-aldaketaren ekintza plana (2024-2030) aurkezten da, eskualde jasangarriagoa lortzeko helburuarekin.
Planaren ardatz nagusiak dira: eraikin publikoetan energia-eraginkortasuna sustatzea, energia berriztagarriak bultzatzea, emisioak %40 murriztea eta komunitatea sentsibilizatzea, klima-aldaketari aurre egiteko hezkuntza indartuz.
3. Infografia Urola Erdiko energiaren eta klima-aldaketaren ekintza plana
Eskualdeko trantsizio energetikoa eta klima aldaketara egokitzea, baliabideen erabilera jasangarria, energia-eraginkortasuna, energia berriztagarriak eta herritarren sentsibilizazioa sustatuz, GFAren laguntzarekin.
Bideoak
Urola erdiko energia eta klima mahaia Ekintzak
Bideo honetan Urola Erdiko energia-trantsizioaren eta klima-aldaketaren aurkako planaren inguruko ekintzak aurkezten dira. Helburua da emisioak murriztea, energia berriztagarriak bultzatzea eta herritarren kontzientziazioa handitzea. 2030era begira, eskualde jasangarriagoa eta bioanitzagoa eraikitzea da erronka nagusia.
Urola erdiko energia eta klima mahaia Diagnostikoa
Bideo honetan Urola Erdian energia eta klima-aldaketaren arloan egindako diagnostikoa aurkezten da, 2015etik 2020ra izandako bilakaera aztertuz.
Urola Erdiko Energia eta Klima Mahaia · Mugikortasun diagnostikoa
Mugikortasunaren diagnostikoaren helburua eskualdeko trantsizio energetikoa eta klima aldaketara egokitzea da, baliabideen erabilera jasangarria, energia-eraginkortasuna, energia berriztagarriak eta herritarren sentsibilizazioa sustatuz, GFAren laguntzarekin.
Kontaktua
Galderaren bat duzu? Proposamenen bat egin nahi diguzu? Energia-trantsizioan parte hartu nahi duzu eta ez dakizu nola hasi?
Bete ondoko formularioa zure kontsultarekin edo idatzi hurrengo helbide elektronikora.
Iraurgi Berritzen
Helbide elektronikoa
info@iraurgiberritzen.eus
Telefonoa
943 85 11 00